Samir Məmmədov('DJ Seym', 8 iyun 1989, Bakı, Azərbaycan) — Azərbaycanlı DJ, musiqi prodüseri, bir neçə musiqi janrlarının ifaçısı.
  


 Həyatı 
Seym 2007-ci ildə DJ kimi karyerasına başlayıb. 2009-cu ildə "Ən yaxşı performans DJ" nominasiyası qazanıb və 2011-ci ildə "Ən yaxşı klub DJ" nominasiyası mübarizəsində üçüncü olub.
StereoMania qrupunun üzvlərindən biri olub. Bir gün əvvəl "Hi Hey Baku" (Orange Versace, Zuleyxa Akçurina, Azər Aslan), "D.A.N.C.E" (Erkin Love) kimi layihələr rotasiyaya buraxılmışdı.
Onun DJ işinin əsas istiqamətləri funky house, R&B, hip-hop, deep house, Elektronik musiqi və chill&lounge-dir.
2012-ci ildə DJ Dark və Leyla Kafari ilə birlikdə "Baku I love you" mahnısını təqdim etmişdir.. Həmin il Bakıda keçirilən Avroviziya Mahnı Müsabiqəsində DJ kimi çıxış etmişdir.
Murad Arifin "Partlat!" adlı videoklipində rol almışdır. 
2015-ci ildə Bakıda keçirilən ilk Avropa oyunlarında, Bakı marafonunda,
2019-cu ildə baş tutan UEFA Avropa Liqası 2018/2019 finalında və 2021-ci ildə keçirilən UEFA Avro 2020 yarışlarında musiqi direktoru vəzifəsində çalışmışdır. 
Bakıda keçirilən Formula 1 yarışlarında əsas rezidentlərdən biridir.
Formula 1 ərəfəsində Bakıya dəvət olunan Don Diablo, Hardwell  kimi tanınmış DJ-lərlə bir səhnəni bölüşüb.

Böyük səhnələr 
* Avroviziya Mahnı Müsabiqəsi (2012)
* 2015 Avropa Oyunları (2015)
* Azərbaycan Qran-prisi (2016-2023)
* Bakı marafonu (2016-2023)
* İslam Həmrəyliyi Oyunları (2017)
* UEFA Avropa Liqası (2019)
* Avropa Gənclər Olimpiya Festivalı (2019)

 Diskoqrafiya 
* Hi Hey Baku
* D.A.N.C.E
* Baku I love you

DJ SEYM